Қор, ёмғир, яхвонлик: Қозоғистоннинг 17 та ҳудудида огоҳлантириш эълон қилинди

Қор, ёмғир, яхвонлик: Қозоғистоннинг 17 та ҳудудида огоҳлантириш эълон қилинди
Фото: pixabay.com

“Қазгидромет” РДК 23 октябрь куни об-ҳавонинг бузилиши муносабати билан бир қатор ҳудудларда огоҳлантириш эълон қилди, деб хабар беради Кazinform.

Хусусан, Астана шаҳрида кечаси ва эрталаб ёғингарчилик (ёмғир қор), яхвонлик ҳосил бўлиши кутилмоқда. Шимоли-ғарбдан эсаётган шамол жануби-ғарбга ўзгариб, кечаси 15-20 м/с тезликда эсади.

Ғарбий Қозоғистон вилоятининг шимолий ва шарқида кечаси ва эрталаб туман тушиши мумкин.

Кундузи Жетису вилоятининг тоғли ҳудудларида кучли ёмғир ёғиши, тоғли ҳудудларда туман тушиши мумкин. Жануби-ғарбдан эсаётган шамолнинг тезлиги вилоят марказида, ғарбий ва шарқда 15-20 м/с.

Кун давомида Алмати вилоятининг жанубида баъзан кучли ёмғир ёғади, тоғли ҳудудларда ёмғир ва қор ёғади. Кечаси ва эрталаб вилоятнинг тоғли ҳудудларида туман тушиши мумкин. Ғарбдан шамол эсади, вилоятнинг жанубий ва тоғли ҳудудларида 17-22 м/с гача кучайиши мумкин.

Кечаси ва эрталаб Атирау вилоятининг ғарбий ва жанубида туман тушиши мумкин.

Кечаси ва эрталаб Ақмола вилоятининг жануби, шимоли ва шарқида ёғингарчилик кутилади (ёмғирнинг охири қорга айланади). Вилоятнинг жануби, шимоли ва шарқида туман ва яхвонлик кутилмоқда. Шимоли-ғарбдан эсаётган шамол жануби-ғарбга ўзгариб, кечаси 15-20 м/с тезликда эсади, вилоятнинг шимолий ва шарқида баъзан 23 м/с гача кучайиши мумкин.

Манғистау вилоятининг шимоли ва шарқида туман қопланади.

Қарағанди вилояти шимоли ва шарқида туман ва қор ёғиши кутилмоқда. Ғарб ва шимоли-ғарбдан эсаётган шамолнинг кучи кечаси 15-20 м/с, баъзан 25 м/с гача кучайиши мумкин.

Кечаси Улитау вилоятида туман тушиши ва яхвонлик ҳосил бўлиши мумкин. Шимоли-ғарбдан эсаётган шамолнинг кучи кечаси 15-20 м/с.

Кечаси ва эрталаб Ақтўбе вилоятининг ғарби ва шимолида туман тушиши мумкин.

Абай вилоятида жануби-ғарбдан эсаётган шамол шимоли-ғарбга ўзгариб, тезлиги 15-20 м/с, минтақанинг шимол, ғарб ва марказида 23-28 м/с гача кучайиши мумкин.

Кечаси Павлодар вилоятида ёмғир ёғади. Кундузи вилоятнинг шимолий ярмида озгина ёғингарчилик (ёмғир, қор) кузатилади. Минтақанинг аксарият ҳудудларида Яхвонлик ҳосил бўлиши кутилмоқда. Жануби-ғарбий ва ғарбдан шамол эсади, тезлиги 23-28 м/с.

Қостанай вилоятининг ғарбий ва шимолида туман тушиши мумкин. Шимоли-ғарбдан эсаётган шамол жануби-ғарбга ўзгариб, тезлиги 9-14 м/с, вилоятнинг шимолий ва шарқида 15-20 м/с тезликда эсади.

Шарқий Қозоғистон вилоятининг шарқида кучли ёғингарчилик (ёмғир, қор), яхвонлик кутилмоқда. Жануби-ғарбдан эсаётган шамол шимоли-ғарбга ўзгариб, 23-28 м/с гача кучайиши мумкин.

Кечаси Шимолий Қозоғистон вилоятининг шимолий ва шарқида ёғингарчилик бўлади (ёмғирнинг охири қорга айланади). Минтақанинг шимоли ва шарқида музлаши кутилмоқда. Шимоли-ғарбдан эсаётган шамол жануби-ғарбий томонга ўзгариб, 23-28 м/с гача кучайиши мумкин.

Туркистон вилоятининг тоғли ҳудудларида кечаси ва эрталаб кучли ёмғир ёғиши кутилмоқда. Вилоятнинг шимоли-ғарбий, жануби, ғарби, тоғли ва адирли ҳудудларида шамол эсади, унинг кучи 23 м/с гача етиши мумкин.

Чимкент шаҳрида шамол шимоли-ғарбдан эсади, шамол баъзан 23 м/с гача кучаяди.

Сўнгги хабарлар
telegram