Қишлоқ хўжалиги ўсимликларининг генетик банкига “миллий” мақом берилади

ASTANA. Kazinform – “ҚР Қишлоқ хўжалиги ўсимликлари миллий ген фонди” республика давлат муассасаси ташкил этилади. Бу ҳақда ҚР Бош вазири Олжас Бектеновнинг Сенат депутатлари саволига берган жавобида айтилди.

“Қишлоқ хўжалиги вазирлиги томонидан 2024-2028 йилларда Қозоғистон Республикаси қишлоқ хўжалиги экинлари селекцияси ва уруғчилигини ривожлантириш бўйича комплекс режа ишлаб чиқилди. Унинг доирасида “Қозоғистон деҳқончилик ва ўсимликчилик илмий-текшириш институти” МЧЖ (ДЎИТИ) негизида “Қишлоқ хўжалиги ўсимликлари миллий ген фонди” РДКни ташкил этиш режалаштирилган. Бу ишлар доирасида ДЎИТИ қишлоқ хўжалиги ўсимликлари генетик банкига “миллий” мақомини бериш, сўнгра ўсимлик намуналари коллекцияларини давлат рўйхатидан ўтказиш кўзда тутилган”, – деди Ҳукумат раҳбари ўз жавобида.

Унга кўра, мамлакатда селекция ва уруғчиликни ривожлантириш мақсадида “Уруғчилик тўғрисида”ги қонунга “Уруғлик миллий генетик банки” тушунчасини киритиш, унинг фаолиятининг асосий қоидаларини аниқлаш, уруғчилик субъектларининг рўйхатини киритиш, шунингдек, унинг фаолиятини давлат бюджети маблағлари ҳисобидан таʼминлаш ҳамда уруғчилик соҳасида давлат томонидан тартибга солиш воситаси сифатида фойдаланиш нормасини белгилаш қисмида ўзгартишлар ишлаб чиқилмоқда.