Қишки ўсмирлар Олимпиадасининг расмий интернет-дўкони ишга тушди
AliExpress Gangwon 2024 қишки ўсмирлар Олимпия ўйинлари (YOG) ташкилий қўмитаси билан ҳамкорликда Сеулда Gangwon 2024 лицензияси бўлган товарлар сотиладиган онлайн-дўкон очди, деб хабар беради Каzinform.
Халқаро Олимпия Қўмитаси (ХОҚ) платформада намойиш этилган эксклюзив ва расмий лицензияланган маҳсулотларни таъкидлаб, ушбу ташаббусни қўллаб-қувватлашдан мамнун.
“Бу дўконнинг виртуал жавонларида расмий Moongcho маскотидан тортиб нишонлар, кийим-кечак, аксессуарлар, канцелярия буюмлари ва бошқа кўплаб маҳсулотлар бўлади. Ушбу пакет Корея Республикасидаги мухлислар учун жонли муҳит яратиш, умумий Олимпия тажрибасини оширишга қаратилган”, – дейилади хабарда.
Эслатиб ўтамиз, ўсмирлар ўртасидаги IV қишки Олимпия ўйинлари жорий йилнинг 19 январидан 1 февралига қадар Жанубий Кореянинг Канвон шаҳрида бўлиб ўтади.
Қозоғистон шарафини спортнинг беш тури ва 10 йўналиши бўйича 42 нафар спортчи ҳимоя қилади. Жумладан, биатлон, кёрлинг, конкида учиш, шорт-трек, хоккей, чанғи пойгаси, чанғидан сакраш, чанғида биатлон, тоғ чанғиси, фристайл параллель могул мусобақалари бўлиб ўтади.
Қозоғистон спортчилари 30 та йўлланмани қўлга киритган.
