Қишки универсиада: Қозоғистонлик қизлар чанғи спортида бронза медалини қўлга киритди

ASTANА. Kazinform –АҚШнинг Лэйк-Плэсид шаҳрида бўлиб ўтаётган универсиадада Қозоғистонлик қизлар чанғи спортида бронза медалини қўлга киритди, деб хабар беради Kazinform мухбири.

«Спортни ривожлантириш дирекцияси» матбуот хизмати хабарига кўра, Қозоғистон қизлари эстафета жамоаси учинчи ўрин билан маррага етиб келди.

Финляндия терма жамоаси чемпион бўлган бўлса, норвегиялик талаба қизлар кумуш медални қўлга киритди.

Қозоғистондан Айша Рақишова, Надежда Степашкина ва Ксения Шалигина пойга йўлига чиқди. А. Рақишова (шахсий мураббий Назигул Дуйсенова) Алмати вилоятидан, К. Шалигина (шахсий мураббий, отаси - Владимир Шалигин) Алмати шаҳридан, Н. Степашкина (шахсий мураббий - Олег Коломеец) Ақмола вилоятидан.

Уларнинг барчаси ҚР Маданият ва спорт ишлари вазирлиги кўмагида «Спортни ривожлантириш дирекцияси»да истиқомат қилади.

Эслатиб ўтамиз, аввалроқ универсиадада Қозоғистон терма жамоаси 3 та олтин ва 1 та бронза билан медаллар жадвалида олтинчи ўринда бораётгани ҳақида ёзган эдик.

Муаллиф: Ғайсағали Сейтақ