Қишки Осиё ўйинларига янги спорт тури қўшилмоқда

Чанғи альпинизми 2025 йил Хитойнинг Харбин шаҳрида ўтадиган қишки Осиё ўйинларига киритилгани эълон қилинди, деб хабар беради Kazinform ЎзАга таяниб.

Келгуси йил Жанубий Кореянинг Гангвон шаҳри мезбонлик қиладиган ўсмирлар қишки Олимпиадаси дастуридан ўрин олган ушбу спорт тури энди биатлон, кёрлинг, хоккей, фигурали учиш, шорт-трек, тоғ чанғиси ва чанғида учиш қатори “Харбин-2025” спорт турлари рўйхатига ҳам қўшилади, дея маълум қилди Осиё Олимпия кенгаши.

Фото: ЎзА

Эслатиб ўтамиз, тўққизинчи бор ташкил этилаётган мазкур қишки Осиё ўйинлари 2025 йил 28 февраль-9 март кунларига белгиланган.

Фото: ЎзА