Кишинёв аэропортида эркак киши йўловчиларга қарата ўт очди

ASTANA. Kazinform – Маҳаллий полиция маълумотига кўра, Кишинёв аэропортида номаълум шахс ўт очди. Камида икки киши ҳалок бўлди, дея хабар беради Kazinform BBCга таяниб.

Дастлабки маълумотларга кўра, отишма Молдовага кириши ман этилган 43 ёшли эркак томонидан содир этилган. Туркиядан учиб келган ва киришга рухсат берилмаганидан кейин у чегарачилар кузатувида бўлган.

Қайд этилишича, эркак чегарачидан қурол олиб, бир неча марта ўқ узган, шундан кейин эса хоналардан бирига яширинган.

Йўловчилар бинодан эвакуация қилинди, аэропортда парвозлар кечиктирилди.

Воқеа жойига етиб келган махсус кучлар ўқ отган шахсни қўлга олди.