Қирғизистонда TikTokга кириш чекланади

BISHKEK. Кazinform – Қирғизистонда машҳур TikTok тармоғи блокланади. Қирғизистон Республикаси Рақамли ривожланиш вазирлиги ҳузуридаги Алоқа соҳасини тартибга солиш ва назорат қилиш хизмати мамлакатдаги барча интернет-провайдерларга тегишли хат йўллади, деб хабар беради Кazinform агентлиги.

Департамент матбуот хизматининг хабар беришича, Қирғизистон Республикаси Миллий хавфсизлик давлат қўмитасининг Қирғизистон Республикаси ҳудудида TikTok ахборот ресурсига киришни чеклаш бўйича департамент ҳузуридаги Алоқа соҳасида тартибга солиш ва назорат қилиш хизмати алоқа операторларига ушбу хизматдан фойдаланишни чеклаш чораларини кўриш зарурлиги тўғрисида хат юборди.

Қарорга мазкур хизмат томонидан Қирғизистон Республикасининг “Қирғизистон Республикасида болалар саломатлиги, уларнинг жисмоний, маънавий ва ахлоқий ривожланишига зарар етказилишининг олдини олиш чора-тадбирлари тўғрисида”ги Қонунининг 2-1-моддасига риоя қилинмаганлиги асос бўлди, унга кўра болаларнинг соғлиғи ва ривожланишига зарар етказувчи  ахборот турлари аниқланган. 

Аввалроқ Россияда машҳур ижтимоий тармоқни блоклаш таклиф қилинган эди. Қозоғистонда ҳам ресурсни блокировка қилиш ҳақида мунозаралар олиб борилмоқда.