Қирғизистонда НҲАни оммавий муҳокама қилиш муддати қисқартирилди
BISHKEK. Kazinform - Қирғизистонда норматив-ҳуқуқий актларни оммавий муҳокама қилиш муддатлари ўзгартирилди, деб хабар беради Kazinform агентлиги мухбири.
“Норматив-ҳуқуқий актлар тўғрисида”ги қонунга ўзгартиришлар Қирғизистон президенти томонидан имзоланди.
Ўзгартиришларга кўра, барча НҲА лойиҳалари жамоатчилик муҳокамаси учун ягона НҲА порталига жойлаштирилиши шарт.
Жамоатчилик муҳокамасини ўтказиш муддати 15 календарь кунгача қисқартирилди, жамоатчилик муҳокамаси самарадорлигини оширишга қаратилган қўшимча тадбирлар ташкил этилган тақдирда эса 10 календарь кунгача қисқартирилиши мумкин. Илгари ҳужжатлар 30 кун давомида кўриб чиқилар эди.
Эслатиб ўтамиз, аввалроқ Қирғизистон янги судьяларни танлашнинг электрон тизимини жорий қилишни режалаштираётгани ҳақида хабар берган эдик.
Муаллиф: Гулмира Абдраҳманова
