Қирғизистонда мактаб ўқувчиларига тўғизқумалак ўргатилади
Қирғизистонда “Отандастар” жамғармаси кўмагида Чуй вилоятининг Манас қишлоғидаги Ат-Баши мактаб-лицейи ўқувчилари учун қозоқ миллий ўйини тўғизқумалакни ўргатиш бўйича бепул тўгарак ташкил этилди, деб хабар беради Kazinform ХАА.
Тўгарак раҳбари, Ат-Баши мактаб-лицейи жисмоний тарбия фани ўқитувчиси Султанбек Тинибеков тўгаракнинг мазмун-моҳияти, мактаб ўқувчилари камолотида қандай ўрин тутиши ҳақида гапирди.
“Мактабимизда ўзим етакчилик қилаётган қозоқ миллий ўйини тўғизқумалакни ўргатувчи тўгарак очилди. Спортда кимдир очиқ ўйинларда, бошқалари стол ўйинларида, масалан, тўғизқумалакда устунлик қилади. Мактабимизда ўйинни ўрганишни ҳоҳловчилар кўп. Тўгаракда учта ёш тоифаси қатнашади: юқори гуруҳга 9-11-синф ўқувчилари, ўрта гуруҳга 7-8-синф ўқувчилари, энг кичигига 5-6-синф ўқувчилари киради. Ўйин болаларнинг мантиқий ва математик қобилиятларини ривожлантиришга ёрдам беради. Тўғизқумалак – болаларнинг математик иқтидорини ривожлантиришга қаратилган стол ўйини. Рақобатни рағбатлантириш учун энг яхшиларини кучли 4-гуруҳга саралаб олишга ҳаракат қиламиз”, – дейди Султанбек Тинибеков.
Мазкур мактабнинг 6-синф ўқувчиси Рабия Қахарова ўйинда ўйинчиларнинг ақл-заковати ва математик билимларидан фойдаланишини таъкидлади.
“Мен 6-синфда ўқийман, шу йилнинг апрель ойида бепул тўгарак очилганидан бери тўғизқумалак тўгарагига қатнаяпман. Ўйин математик қобилиятларни, ақлий ҳисоблашни, мантиқни ва фикрлашни ривожлантиради, деб ишонаман. Ушбу спорт тури бўйича турнирлар ўтказилса яхши бўларди. Тўғизқумалак қозоқ миллий ўйини бўлиб, қирғиз тилига “тогуз коргоол” деб таржима қилинади, бу кўплаб Осиё мамлакатларида ўйнайди”, – дейди мактаб ўқувчиси.
Апрелдан буён спорт тўгарагига қатнайдиган 12 ёшли Камила Анабаевага бу ўйин ёқади, чунки у математикани ўзлаштиришга ёрдам беради, мантиқ ва фикрлашни ривожлантиради.
“Мен тўгаракда қатнашишда давом этмоқчиман, маҳоратимни оширмоқчиман, чунки ўйин мен учун жуда қизиқ. Келгусида тўғизқумалак бўйича турнирларда қатнашишни орзу қиламан. Қанийди, бошқа ўқувчилар ҳам уни ўрганишса, ҳамма жойда машҳур бўлса”, – дейди тўгарак аъзоси.
