Қирғизистонда хорижликларни рўйхатга олишнинг янги тартиби ишлай бошлайди

BISHKEK. Kazinform - Қирғизистонда 5 сентябрдан бошлаб хорижий давлатлар фуқароларини визасиз режим билан рўйхатга олишнинг янги тартиби кучга киради, деб хабар беради Кazinform агентлиги мухбири.

Қирғизистон Республикаси Рақамли ривожланиш вазирлиги маълумотларига кўра, рўйхатга олиш тартибидаги ўзгаришлар визасиз бўлиш режимига эга бўлган мамлакатлар фуқароларига таъсир кўрсатади: Россия Федерацияси, Қозоғистон Республикаси, Тожикистон Республикаси, Арманистон Республикаси, Беларусь Республикаси, Грузия, Озарбайжон Республикаси, Молдова Республикаси.

Вазирлик эътиборни бундай фуқароларнинг Қирғизистон Республикаси ҳудудида меҳнат қилиш, ўқиш, тадбиркорлик фаолияти билан боғлиқ бўлмаган шахсий мақсадларда 60 календар ькундан ортиқ бўлиши ва уларни рўйхатга олишнинг янгиланган тартибига қаратади. Яшаш мақсадига қараб, у Қирғизистонда қолиш ҳуқуқини берувчи ҳужжат асосида берилади.

Ўзгартиришларга кўра, бўлишнинг визасиз режимига эга бўлган давлатлар фуқароларини, Қирғизистон ҳудудида узоқ муддат шахсий мақсадларда бўлганларни рўйхатдан ўтказиш ёки рўйхатдан ўтказишни узайтириш фақат қуйидагилардан бири асосида амалга оширилади. Қирғизистон Республикасида бўлиш ҳуқуқини берувчи ҳужжатлар (қисқа муддатга келган чет эл фуқаролари бундан мустасно):

• яшаш учун рухсатнома;
• фуқаролиги бўлмаган шахснинг гувоҳномаси;
• "Қаирилман" сертификатлари;
• Мекен-карт сертификатлари.

Агар Қирғизистон Республикаси иштирок этган халқаро шартномаларда бошқача тартиб назарда тутилган бўлмаса. Қайд этилишича, ЕОИИга аъзо давлатлар (Арманистон, Беларусь, Қозоғистон, Россия) фуқаролари мамлакатга кирган пайтдан бошлаб ҳар 180 кунлик давр мобайнида ҳужжатсиз жами 90 кунгача бўлишлари мумкин.

Тожикистон, Грузия, Озарбайжон ва Молдова фуқаролари ҳужжатсиз ҳолда мамлакатга кирган пайтдан бошлаб ҳар 120 кунлик муддат ичида жами 60 кунгача қолишлари мумкин.

Қирғизистон Республикаси ҳудудида 60 ёки 90 кун бўлганидан сўнг, рўйхатдан ўтмаган фуқаролар давлатни тарк этишга мажбур бўладилар ва тегишли равишда 60 ёки 90 календарь кундан кейин мамлакатга қайта киришлари мумкин бўлади.

Қирғизистон Республикаси ҳудудида шахсий мақсадларда бўлган фуқаролар учун вақтинчалик яшаш учун рухсатномани рўйхатдан ўтказиш ва 15 иш куни ичида бериш кўзда тутилган бўлиб, амал қилиш муддати - 1 йил, кейин эса ҳар йили узайтирилади, лекин 5 йилдан кўп эмас муддатга.

Қирғизистон Республикаси қонунчилигига мувофиқ, қуйидаги давлатлар фуқаролари мамлакатга кирган кундан бошлаб маълум муддатга мажбурий рўйхатдан ўтишдан озод қилинади:

Россия, Қозоғистон, Беларусь, Арманистон - 30 кун;

Озарбайжон - 15 кун;

Тожикистон - 60 кун;

Грузия - 90 кун.

Молдова фуқаролари Қирғизистон Республикаси ҳудудига кирган кундан бошлаб 5 иш куни ичида рўйхатдан ўтишлари шарт.

Вақтинчалик рухсатнома олиш учун Қирғизистон Республикаси Рақамли ривожланиш вазирлиги ҳузуридаги Аҳолини рўйхатга олиш департаментининг исталган ҳудудий бўлинмаси ёки Давлат хизматлари марказига, шунингдек, Рақамли ривожланиш вазирлиги ҳузуридаги Аҳолини рўйхатга олиш департаментининг Миграция бўлимига мурожаат қилиш керак. Телефон: [phone], WhatsApp: [phone], Telegram @drndigital ёки call-марказ 119 (қўнғироқлар бепул).

Муаллиф: Гулмира Абдраҳманова