Қирғизистонда автомобиль йиғувчи завод очилади

BISHKEK. Кazinform – Қирғизистоннинг Нарин вилоятида “Қирғиз почтаси” ОАЖ, “Нарин” МИЗ ва “Қашғар” МИЗ ҳамкорлиги доирасида ташкил этилган “Икки давлат, икки ҳудуд” ташаббуси бўйича автомобиль йиғиш заводи очилади.

Қирғизистон Республикаси Рақамли ривожланиш вазирлиги матбуот хизмати хабарига кўра, заводни ишга тушириш чоғида Хитойнинг “Жиабо” технологик компанияси, Қирғизистон Республикаси Президентининг Нарин вилоятидаги ваколатли вакили ва "Қирғиз почтаси" ОАЖ ўртасида уч томонлама меморандум имзоланган.

Заводни очиш бўйича музокаралардан сўнг Жиабо компанияси бош директори Хуан Юнци бошчилигидаги хитойлик инвесторлар завод қурилиши учун ер участкаларини кўриб чиқдилар.

Қурилиш тугаллангач, заводда турли хил бензинли, электр ва газли автомобиллар ишлаб чиқарилади. Маҳаллий аҳоли учун 100 дан 1 мингтагача иш ўрни яратилади.

Эслатиб ўтамиз, аввалроқ Қирғизистон Миллий банки “ЕОИИ – 10 йил” коллекция монетасини муомалага киритгани ҳақида хабар берган эдик.