Қирғизистон ва Ўзбекистон давлат чегарасини демаркация қилиш масалаларини муҳокама қилди

BATKEN. Kazinform - Боткенда Қирғизистон-Ўзбекистон қўшма демаркация комиссияси бўйича Қирғизистон Республикаси ва Ўзбекистон Республикаси ҳукумат делегациялари ишчи гуруҳларининг навбатдаги йиғилиши бўлиб ўтди, деб хабар беради Кazinform агентлиги мухбири.

Қирғизистон Республикаси Вазирлар кабиети матбуот хизмати хабарига кўра, йиғилишда Қирғизистон-Ўзбекистон давлат чегарасини демаркация қилиш масалалари муҳокама қилинди ва айрим ҳудудларда дала ўрганиш ишлари олиб борилди. Музокаралар дўстлик ва ўзаро англашув муҳитида ўтди, натижада тегишли баённома имзоланди.

Эслатиб ўтамиз, 2024 йил июль ойида Қирғизистон ва Ўзбекистон ҳукумат делегациялари ишчи гуруҳлари учрашуви доирасида Қирғизистоннинг Жалолобод ва Боткен вилоятларидаги давлат чегарасининг айрим участкаларида, Ўзбекистоннинг Наманган ва Фарғона вилоятларига туташ ҳудудларда дала ўрганишлари ўтказилган эди. Музокаралар якунлари бўйича баённома имзоланди.

Эслатиб ўтамиз, аввалроқ Қирғизистон ва Ўзбекистон ўртасида ҳамкорликнинг учта йирик лойиҳаси бошлангани ва жорий йилнинг июнь ойида Хитой, Қирғизистон ва Ўзбекистон қўшма темир йўл қурилиши бўйича келишувга эришилгани ва товар айирбошлаш ҳажмини 2 миллиард долларга етказиш ниятида эканлиги хабар қилинган эди.

Муаллиф: Гулмира Абдраҳманова