Қирғизистон ва Ўзбекистон чегарасида махфий туннель топилди

Қирғизистоннинг Жалолобод вилоятида Ўзбекистонга олиб борувчи яна бир туннель топилди. Қирғизистонда яшовчи гумонланувчи у орқали одамлар ва товарларни ноқонуний олиб ўтган. Чегарани ноқонуний кесиб ўтганликда гумонланаётган 40 ёшли Ўзбекистон фуқароси қўлга олинди, деб хабар беради Каzinform агентлиги Қирғизистон ИИВ матбуот хизматига таяниб.

Қайд этилишича, ушбу туннель орқали одамлар ва контрабанда товарлари Ўзбекистон ҳудудига ноқонуний олиб ўтилган. Жумладан, жорий йилнинг 5 апрель куни вилоят ИИБ ходимлари Қирғизистон чегарасини ноқонуний кесиб ўтган Ўзбекистон фуқаросини қўлга олган. Суриштирувлар натижасида, у қўшни мамлакатга ушбу яширин туннель орқали ўтгани маълум бўлган.

Шунингдек, 12 апрелга ўтар кечаси Ноокен туманида Қирғизистон-Ўзбекистон чегарасини ноқонуний кесиб ўтишни пул эвазига ташкил қилганликда гумонланган маҳаллий аҳоли вакили ҳам ушланган.

"Қўлга олиш чоғида гумонланувчидан махсус белгили валюта ва тунги кўриш дурбинлари мусодара қилинди. Шунингдек, у уйида дастлабки қиймати қарийб 30 минг долларга тенг 87 қути наркотик моддани сақлаётгани аниқланди", – дейилади хабарда.