Қирғизистон “Толибон”ни тақиқланган ташкилотлар рўйхатидан чиқарди

ASTANA. Kazinform – Кобулнинг фикрича, бу Афғонистоннинг бошқа давлатлар билан муносабатларини мустаҳкамлаш йўлидаги “тўсиқларни олиб ташлайди”, деб ёзади ТАСС.

“Толибон” радикал ҳаракатини тузган Афғонистон ҳукумати ташқи ишлар вазирлиги Қирғизистон ҳукумати ҳаракатни тақиқланган ташкилотлар рўйхатидан олиб ташлаганини маълум қилди.

“Афғонистон Ислом Амирлиги Ташқи ишлар вазирлиги Қирғизистон Республикасининг “Толибон” ҳаракати номини тақиқланган ташкилотлар рўйхатидан олиб ташлаш тўғрисидаги қарорини юқори баҳолайди ва олқишлайди”, – деди Толибон ташқи ишлар вазирлиги матбуот котиби Абдул Каҳар Балхий Х саҳифасида (собиқ Twitter) чоп этилган баёнотида.

Бишкекнинг бу қадами “Афғонистон Ислом Амирлигининг минтақавий ва халқаро миқёсда сиёсий тан олиниши ортиб бораётганидан” далолат беради. Кобулнинг фикрича, Толибоннинг Қирғизистонда тақиқланган ташкилотлар рўйхатидан чиқарилиши Афғонистон ва бошқа давлатлар ўртасидаги муносабатларни мустаҳкамлаш йўлидаги “тўсиқларни олиб ташлайди”.

АҚШ 2021 йил баҳорида ўз қуролли кучларини Афғонистондан олиб чиқиш қарорини эълон қилгач, Толибон мамлакатда назорат ўрнатиш учун кенг кўламли операцияни бошлади. Ўша йилнинг 15 августида улар Кобулга жангсиз киришди ва кейинчалик қонунийлиги ҳали ҳеч бир давлат томонидан тан олинмаган муваққат ҳукумат тузилганлигини эълон қилди.