Қирғизистон сунъий интеллект орқали фирибгарликнинг кучайишидан хавотирда

BISHKEK. Kazinform - Қирғизистон парламенти ҳуқуқ-тартибот идораларини сунъий интеллектдан фойдаланган ҳолда жиноятларнинг олдини олишга, фуқароларни эса фақат расмий маълумотларга ишонишга чақирди, деб хабар беради Кazinform агентлиги мухбири.

Қирғизистон Республикаси Жогорку Кенеши спикери Нурланбек Турғунбек уулу парламент йиғилишида сўнгги пайтларда мамлакатда сунъий интеллектдан фойдаланган ҳолда содир этилаётган жиноятлар сони ортиб бораётганини маълум қилди.

— Фирибгарлар сунъий интеллектдан фойдаланиб, телефон ва интернет орқали одамларни алдашади. Масалан, таниқли шахслар номидан турли мурожаатлар жўнатади, фуқаролар эса ўз маблағларини ўтказадилар. Бу хабарлар овозни, юз ифодаларини ва ҳатто нафас олишни жуда яхши тақлид қилади. Жамоатчилик сунъий интеллект ёрдамида яратилган бундай хабарларга ишонишда давом этмоқда. Шунинг учун одамлар фақат расмий манбалардан олинган маълумотларга ишонишлари керак. Ҳуқуқ-тартибот идораларимиз вазиятни диққат билан кузатиб бориши, сунъий интеллектдан фойдаланган ҳолда жиноятларнинг олдини олиши зарур, — деди у.

Аввалроқ Британияда виртуал буви телефон фирибгарларига қарши курашаётгани ҳақида ёзган эдик.

Муаллиф: Гулмира Абдраҳманова