Қирғизистон президенти Садир Жапаров расмий ташриф билан Россияга жўнаб кетди

BISHKEK. КABAR – Кazinform – Қирғизистон Республикаси президенти Садир Жапаров бугун расмий ташриф билан Москвага жўнаб кетди, дея хабар беради Kazinform Kabar агентлигига таяниб.

Ташриф давомида Россия Федерацияси президенти Владимир Путин билан икки томонлама музокаралар ўтказиш режалаштирилган.

Давлат раҳбарлари кун тартибидаги икки ва кўп томонлама масалаларни, ўзаро манфаатли ҳамкорликни янада ривожлантириш йўналишларини муҳокама қиладилар.

Расмий ташриф доирасида Садир Жапаровнинг бошқа расмий шахслар билан ҳам учрашиши режалаштирилган.

Қирғизистон раҳбари 9 май куни Москвадаги Ғалаба парадида фахрий меҳмон сифатида иштирок этади.

Қирғизистон Республикаси расмий делегацияси таркибига қуйидаги мансабдор шахслар киради:

- Адилбек Қасималиев - Вазирлар кабинети раисининг биринчи ўринбосари;

- Жеенбек Қулубаев - Ташқи ишлар вазири;

- Муратбек Азимбакиев – Президент Администрацияси ташқи сиёсат бўлими мудири;

- Марат Иманқулов - Хавфсизлик кенгаши котиби;

- Гулнора-Клара Самат – Қирғизистон Республикасининг Россия Федерациясидаги фавқулодда ва мухтор элчиси;

- Улан Ниязбеков - Ички ишлар вазири;

- Асқарбек Жанибеков - Қишлоқ хўжалиги вазири;

- Тилек Текебаев - Транспорт ва коммуникациялар вазири;

- Данияр Амангелдиев – Иқтисодиёт ва савдо вазири;

- Қудайберген Базарбаев - Меҳнат, ижтимоий таъминот ва миграция вазири;

- Таалайбек Ибраев - Энергетика вазири;

- Нурдан Орунтаев - Бишкек ҳокимининг ўринбосари.