Қирғизистон мактабларда буллинг ва кибербуллингга қарши курашиш ниятида
BISHKEK. Кazinform - Таълим ва фан вазирлиги “Буллинг ва кибербуллингнинг олдини олиш тўғрисида”ги буйруқни имзолади. Ушбу чора-тадбирлар ўқувчилар саломатлигини, уларнинг ижтимоий-психологик фаровонлигини ҳимоя қилишга, манипуляция натижасида юзага келадиган муаммоларнинг олдини олишга, рақамли технологиялар орқали безорилик ва қўрқитишнинг барча турларига қарши курашишга, ўқув жараёнининг тинч ва хавфсиз ўтишини таъминлашга қаратилган, деб хабар беради Kazinform мухбири.
Ўқувчилар учун таълим муассасаларида буллинг, кибербуллинг ва ўз жонига қасд қилишнинг олдини олиш бўйича маърифий ишлар тизимли равишда олиб борилади. Мактаб ўқувчиларининг ота-оналари билан ўтказиладиган учрашувларда буллинг ва кибербуллингнинг, жумладан, айрим ўйинлар (“синий кит”, Counter-Strike, GTA, World of Warcraft ва бошқалар) ва квадробинг ҳақида тушунтириш ва маълумот бериш ишлари олиб борилади.
Эслатиб ўтамиз, Қирғизистонда ўсмирларнинг квадробингга бўлган иштиёқи уларни ташвишга солмоқда. Парламент аъзоси Дастан Бекешев Таълим ва фан вазирлигига мамлакатдаги барча мактабларда тушунтириш тадбирларини ташкил этишни таклиф қилди.
