Қирғизистон Хитой олдидаги қарзини 2035 йилгача тўлиқ тўлайди
BISHKEK. Kazinform — Қирғизистон президенти Садир Жапаров журналист Али Тоқтакуновга берган интервьюсида мамлакатнинг ташқи қарзи билан боғлиқ вазиятга изоҳ берди, деб хабар беради Kazinform агентлигининг Бишкекдаги мухбири.
Қирғизистон раҳбарининг айтишича, 2020 йилга қадар давлатнинг умумий қарзи 5 миллиард доллар ёки ЯИМнинг 70 фоизини ташкил этган. Шундан ташқи қарз 4,2 миллиард доллар, ички қарз эса 708 миллион доллар бўлган.
2026 йилда умумий қарз 10 миллиард долларга етди, бу ЯИМнинг 37 фоизини ташкил қилди. Ташқи қарз 5,2 миллиард долларга, ички қарз эса 4,8 миллиард долларга ошди. Бу йиллар давомида ташқи қарз атиги 1 миллиард долларга ошган, кредитлар турли халқаро молия институтлари ва Хитойдан олинган.
Садир Жапаров 2020 йилга келиб мамлакатнинг Хитой олдидаги ташқи қарзи 1,8 миллиард доллар бўлганини, бироқ сўнгги беш йилда мамлакат 500 миллион доллар тўлаганини таъкидлади.
“Биз қарзимизни 1,3 миллиард долларгача камайтирдик ва уни 2035 йилгача тўлиқ тўлашни режалаштиряпмиз”, — деди у.
Эслатиб ўтамиз, Қирғизистон президенти иккинчи муддатга сайловда қатнашиш нияти борлигини маълум қилгани ҳақида хабар берган эдик.
