Қирғизистон фуқаролари ҳар бир литр ёқилғи учун солиқ тўлайди

ASTANА.Кazinform - Қирғизистонда сотилган ҳар бир литр ёқилғи учун тўлов ундирилади. Жогорку Кенеш тегишли қонун лойиҳасини иккинчи ва учинчи ўқишда маъқуллади, деб хабар беради Kazinform мухбири.

Хусусан, ёқилғи қуйиш шохобчаларида нефть маҳсулотларини ҳисобга олиш ва сақлашнинг автоматлаштирилган тизимидан фойдаланган ҳолда чакана савдода ёқилғининг ҳар бир литри учун тўлов ундирилади. Солиқ тартиби Қирғизистон Вазирлар кабинети томонидан белгиланади.

Ёқилғи сотишдан тушган маблағлар республика бюджетига юборилади. Кейинчалик у Йўл жамғармасига киритилади. 2023 йилда Қирғизистонда Йўл жамғармаси бюджети қарийб 4,5 миллиард сомни ташкил қилган. Агар 2025 йилда янги тўлов жорий этилса, у 5 миллиард сомга етади.