Қирғизистон электр энергияси тақчиллигини қандай бартараф этади
ASTANA. Kazinform — Қирғизистон президенти Садир Жапаров мамлакатнинг стратегик ижтимоий-иқтисодий ривожланишига бағишланган республика кенгашида Қирғизистондаги энергия танқислигини бартараф этиш чораларини маълум қилди, деб хабар беради Kazinform агентлигининг Бишкекдаги мухбири.
Бу борадаги ишлар икки асосий йўналишда олиб борилади:
- Электр тармоқлари ва инфратузилмани модернизация қилиш, электр энергияси ишлаб чиқариш қувватларини ошириш ҳамда қайта тикланувчи энергия манбаларини ривожлантириш. Ушбу соҳада Қамбарота-1 ГЭСи, Қора-Кече ИЭСи, шунингдек, кичик ва ўрта гидроэлектр станцияларини қуриш каби лойиҳалар амалга оширилади.
- Барча саъй-ҳаракатларни нефть маҳсулотларининг барқарор импортини таъминлаш ва Қирғизистонда ёқилғи-мойлаш материаллари ишлаб чиқаришни йўлга қўйиш учун сафарбар этиш.
Садир Жапаровнинг таъкидлашича, ҳукумат ўз саъй-ҳаракатларини мамлакатнинг ташқи омилларга қарамлигини камайтириш ҳамда энергия ва ёқилғининг узлуксиз етказиб берилишини таъминлашга қаратади.
