22:38, 19 Август 2024 | GMT +5
Қирғизистон банки Россия банкларидан пул ўтказмаларини вақтинчалик тўхтатди
Қайд этилишича, 2024 йил 16 августдан MBANK Россия банклари, жумладан Сбербанк, Тинькофф ва МТСдан ҳар икки йўналишда пул ўтказмаларини тўхтатган.
- Хизмат вақтинча номаълум муддатга мавжуд эмас. Кирувчи пул ўтказмалари рубл реквизитларидан фойдаланган ҳолда санкцияларга дучор бўлмаган банклар орқали амалга оширилади. Ўзгаришлар бўлса, биз сизларга албатта қўшимча маълумот берамиз, - дейилади хабарда.
Банк мижозларига 3333 (Қирғизистон уяли алоқа операторларидан қўнғироқлар бепул) орқали саволлар бўлса, банкнинг алоқа марказига кунига 24 соат мурожаат қилиш тавсия этилади.
