Кипрда мушуклар ортиб қолган коронавирус вакциналари билан эмланади

ASTANA. Кazinform - Кипр ҳукумати мамлакатдаги мушуклар коронавирусга қарши ортиб қолган вакциналар билан эмланишини маълум қилди. Январь ойидан бери оролда минглаб мушуклар коронавирус мутациясидан нобуд бўлди, дея хабар беради Кazinform Аzertag.аzга таяниб.

Мамлакат Қишлоқ хўжалиги вазирлиги одамларга қарши вакциналарни мушукларга қўллашни тавсия қилди. Ветеринария шифокорлари мушукларни таблетка шаклидаги вакциналар билан эмлайди.

Мушукларнинг юқумли перитонити (FIP) - Кипрдаги мушуклар популяциясига катта зарар етказадиган юқумли вирусли касаллик. Бу одамга юқмайдиган коронавирус тури.

Кипрдаги ҳайвонлар ҳуқуқлари фаоллари бир неча ойдан бери ҳукуматни ҳайвонлар пандемиясига қарши чора кўришга чақиришмоқда. Расмий статистик маълумотларга кўра, оролнинг Греция қисмининг жанубида ҳозиргача 107 мушук вирус билан касалланган. Бироқ, табиатни муҳофаза қилувчиларнинг фикрига кўра, бу кўрсаткич жуда паст. Ветеринария шифокорларининг ҳисоб-китобларига кўра, Кипр мушукларининг учдан бир қисми ушбу вирусдан ўлган.

Кипрда миллионга яқин қаровсиз мушук бор.