Кипр эмланган сайёҳларни киритишни бошлайди

NUR-SULTAN. Kazinform – Кипр душанбадан бошлаб 65 мамлакатдан сайёҳларни тестсиз ва карантинсиз қабул қила бошлайди, деб хабар беради Kazinform ВВСга асосланиб.

Кипр 10 майдан бошлаб 65 мамлакат, шу жумладан Буюк Британия ва Россиядан тўлиқ эмланган сайёҳлар учун эшикларини очади. Янги қоидаларга кўра, коронавирусга қарши тўлиқ икки компонент билан эмланган 65 мамлакат фуқаролари Кипрга карантинсиз ва дастлабки тестсиз келиши мумкин.

Кипр туризм вазири Саввас Пердиос бу қарорни апрель ойи охирида эълон қилди. 65 мамлакатлар рўйхатига Европа Иттифоқининг барча давлатлари, Буюк Британия, постсоветнинг бир қатор давлатлари, шу жумладан Россия, Яқин Шарқ мамлакатлари, АҚШ ва Канада киради.