Килиан Мбаппе Францияда «ПСЖ» жамоаси рекордини ўрнатди

ASTANA. Кazinform – Франция терма жамоаси ҳужумчиси ва сардори Килиан Мбаппе «ПСЖ» жамоаси рекордини ўрнатди, деб хабар беради Кazinform мухбири.

Сhampionat.com сайтидан олинган маълумотларга кўра, Мбаппе Франция чемпионатининг 31-туридан ўрин олган «Ланс»га қарши ўйиннинг 31-дақиқасидаёқ гол урди. Шу тариқа Килиан «ПСЖ» таркибида Франция чемпионатида урган голлари сонини 139 тага етказди. Бу кўрсаткич бўйича у уругвайлик ҳужумчи Эдинсон Каванини (138) ортда қолдирди. Учинчи ўринда швециялик Златан Ибрагимович (113) жойлашган.

Жорий мавсумда Мбаппе Франция чемпионатида 20 марта майдонга тушиб, тўпурарлар ўртасида пешқадамлик қилмоқда. «Лион»дан Александр Ляказет ва Жонатан Дэвид («Лилль») ҳисобида 19 тадан гол бор.

Шунингдек, Мбаппе жорий мавсумда Европанинг энг яхши 5 чемпионатида 20 та гол урган тўртинчи футболчига айланди. Бундай натижага Эрлинг Холланд, Гарри Кейн ва Виктор Осимхен эришган.

Жорий мавсумда 24 ёшли франциялик ҳужумчи «ПСЖ» сафида барча турнирларда 35 та ўйин ўтказиб, 31 та гол урди ва 7 та голли узатмани амалга оширди.

«ПСЖ» Франция чемпионатида 2-ўринда бораётган «Ланс»дан 9 очко олдинда. У ҳамон 72 очко билан пешқадамлик қилмоқда.

Эслатиб ўтамиз, аввалроқ Лионель Месси Криштиану Роналдунинг рекордини янгилагани ҳақида хабар берган эдик.

Муаллиф: Ғайсағали Сейтақ