Киевнинг икки туманига ракета парчалари қулаб тушди, қурбонлар бор - маҳаллий ҳокимият

Россия ракеталарининг парчалари Киевнинг жанубий қисмида, Дарницкий ва Голосеев туманларида қулаган. Бу ҳақда Kazinform Киев ҳарбий маъмуриятининг Telegram-каналига таяниб хабар беради.

“Жабрланганлар ва вайроналар ҳақидаги маълумотларга аниқлик киритилмоқда”, — дейилади хабарда.

Киев фуқаролик мэри Виталий Кличко ўзининг Теlegram-каналида ракета парчаси Голосев туманидаги турар-жой биносининг томини вайрон қилганини, у ерга шошилинч хизмат вакиллари бораётганини маълум қилди. Кейинроқ у Дарницкий туманидаги қурилиши тугалланмаган уйда ракета парчалари қулаши оқибатида ёнғин чиққанини ёзган.

“Шифокорларнинг маълумотларига кўра, Дарницкий туманида бир киши жароҳатланган, у шу ерда даволанмоқда”, — деб ёзади Кличко.