Келгуси йилда Туркий мамлакатлар университетларининг қўшма тармоғи ташкил этилиши мумкин – ТДТ саммити

SAMARQAND. Кazinform – Туркий давлатларнинг таълим ва илм-фан соҳасида ҳамкорлигини кучайтириш зарур. Бу ҳақда ҚР Президенти Туркий давлатлар ташкилотининг навбатдаги саммитида айтиб ўтди, деб хабар беради Кazinform.

«Шу муносабат билан 2023 йилда Қозоғистонда II Туркий Универсиадани ташкил этишни режалаштирганмиз. Туркия университетлари иттифоқи доирасида ҳам ўтказилиши мумкин», - деди Қозоғистон Президенти.

Унинг таъкидлашича, ташкилотга аъзо давлатлар академик ҳаракатчанликни ривожлантириши ва талабалар ўртасида маданиятлараро мулоқот учун шароит яратиши керак.

«Шунингдек, олий таълим муассасаларининг ягона таълим маконини шакллантириш зарур. Шу боис 2023 йилда Туркий мамлакатлар университетларининг умумий тармоғини яратиш имкониятини кўриб чиқишни таклиф қиламан. Бу ташаббус талабаларимизга туркий тилларни ўрганиш, қардош мамлакатлар ҳаёти билан яқиндан танишиш учун йўл очади», - деди Қасим-Жомарт Тоқаев.