Келажакда Туркистон йилига 5 миллион сайёҳни қабул қилади
TÚRKİSTAN. КKazinform - Туркистон вилояти ҳокими ўринбосари Рашид Аюпов Туркия-Қозоғистон ишбилармонлар уюшмаси Бош котиби Анзор Ҳусейнов билан учрашди.
Томонлар минтақадаги сармоявий муҳитни яхшилаш, Туркия ва Қозоғистон тадбиркорлари ўртасида ишбилармонлик алоқалари ва ҳамкорликни рағбатлантириш масалаларини муҳокама қилди, деб хабар беради Кazinform мухбири .
Учрашувда икки давлат ўртасидаги ижтимоий-маданий алоқаларни мустаҳкамлаш масалалари ҳам муҳокама қилинди.
«Барча ишлар Туркистонни 2050 йилгача ривожлантиришнинг Комплекс бош режаси асосида амалга оширилмоқда. Шаҳар тарихий ва сайёҳлик марказига айланади. Келажакда йилига 5 миллион кишини қабул қилишни режалаштирганмиз. Туркистон вилоятида Туркия билан қўшма сармоявий лойиҳалар амалга оширилди ва келгусида агросаноат мажмуаси ва қайта ишлашда уларнинг сонини кўпайтирамиз», - деди Рашид Аюпов.
Учрашувда вилоят ҳокими ўринбосари меҳмонни Туркистон вилоятининг сармоявий имкониятлари билан таништириб, турк тадбиркорларини ҳамкорликка таклиф қилди.
Муаллиф: Айнур Ақбаева
