«KazSat-3R» спутнигини яратиш учун 87,2 миллиард тенге керак

ASTANA. Kazinform – Ҳисоб-китобларга кўра, «KazSat-3R» спутнигини қуриш учун 87,2 миллиард тенге керак бўлади. Бу ҳақда ҚР Бош вазири Олжас Бектеновнинг Сенат депутатлари саволига берган жавобида айтилди.

«KazSat-3R» спутнигін құруға 87,2 млрд теңге қажет
Фото: “Республика космик алоқа маркази” АЖ (РКАМ)

«KazSat-3R» спутниги (кейинги ўринларда – «KazSat-3R» лойиҳаси) ўрнини босувчи космик алоқа тизимини яратиш ва ишга тушириш бўйича лойиҳадан олдинги ишлар олиб борилаётганини маълум қиламиз. Европа ва Осиёнинг турли космик ускуналарни ишлаб чиқарувчи компанияларининг техник ва тижорат таклифлари кўриб чиқилди. Таҳлил асосида ҳозирда иқтисодий экспертизадан ўтказилаётган сармоявий таклиф киритилди”, – деди Олжас Бектенов ўз жавобида.

Ҳукумат раҳбарининг сўзларига кўра, сунъий йўлдошни яратишнинг тахминий қиймати 87,2 миллиард тенгени ташкил этади. Улардан 40,3 миллиард тенге республика бюджети, 46,9 миллиард тенге “РКАМ” АЖ ўз маблағлари ҳисобидан олинади.

“Ушбу миқдор спутник алоқа каналларига бўлган эҳтиёж ва телерадиоэшиттиришлар эфирга узатилишини ҳисобга олган ҳолда лойиҳанинг сармоявий жозибадорлиги ва иқтисодий самарадорлиги учун етарли. Иқтисодий экспертиза натижаларига кўра, бош пудратчи ишлаб чиқарувчини танлаш қонун ҳужжатларига мувофиқ танлов асосида ва энг яхши техник ечимлар ва иқтисодий мақсадга мувофиқлигини ҳисобга олган ҳолда амалга оширилади”, – деди у.

Эслатиб ўтамиз, 2014 йил 28 апрель куни Қозоғистоннинг «KazSat-3» алоқа ва радиоэшиттириш спутниги Байқўнғир космодромидан учирилган эди. 2016 йил 1 март куни «OTAU TV» миллий спутник телевидениеси абонентлари ушбу кенгашга ўтказилгани маълум бўлди. 2017 йилда мамлакатнинг барча телекўрсатувлари тўлиқ «KazSat» миллий алоқа ва радиоэшиттириш спутнигига ўтказилди.

Сўнгги хабарлар