Қазпочта МДҲнинг тўққизта давлатига посилкаларни етказиб беришни бошлайди

ASTANA. Kazinform - Бу ҳақда “Қазпочта” АЖ бошқаруви раиси Асел Жанасова маълум қилди, дея хабар беради Kazinform мухбири.

Унинг сўзларига кўра, компания нафақат Қозоғистонда, балки минтақада, жумладан, Марказий Осиё мамлакатларида ҳам йирик логистика ташувчиси стратегиясини ишлаб чиқмоқда. Компания, шунингдек, халқаро ва ички бозорлар билан ҳамкорлик қилади.

“Жорий йилдан бошлаб МДҲ давлатларига транзит юк ташишни амалга ошира бошладик. Мисол учун, биз AliExpress ва Alibaba билан тўққизта давлатга транзит учун тўғридан-тўғри шартнома туздик. Биз ҳар куни 500 мингтагача посилкаларни ташишга тайёрмиз”, — деди Асел Жанасова мажлисда.

Унинг қўшимча қилишича, компания транзит транспортида пул ишлаб олади.

«Биз ҳақиқатан ҳам пул ишлаймиз, чунки биз динамикани кўриб турибмиз. Агар ўтган йили ўсиш 38 фоизни ташкил этган бўлса, жорий йилнинг 10 ойида бу кўрсаткич 28 фоизни ташкил этди”, — дея қўшимча қилди у.

Бундан ташқари, унинг маълумотларига кўра, посилкаларнинг деярли ярми - 49% қишлоқларга тўғри келади. 

Асел Жанасованинг таъкидлашича, компания нафақат йирик, балки ўрта ва кичик бозорлар билан ҳам ишлайди, улар "Қазпочта" хизматларидан фойдаланишдан фойда кўради, чунки улар ўз автопарки ва инфратузилмасига муҳтож эмас.