ҚазМунайГаз ва CITIC Group раҳбарлари CASPI BITUM кенгайтириш лойиҳасини муҳокама қилдилар
ASTANA. Kazinform - “ҚазМунайГаз” МК” АЖ бошқаруви раиси Асхат Хасенов Хитойнинг CITIC Group компанияси директорлар кенгаши раиси Си Гуохуа ва CITIC Resources Holdings Limited бош ижрочи директори Хао Вейбао билан учрашди, деб хабар беради Kazinform.
Томонлар Ақтау битум заводининг («CASPI BITUM» МЧЖ) ишлаб чиқариш қувватини йилига 1,5 миллион тоннагача кенгайтириш лойиҳасининг жорий ҳолатини муҳокама қилдилар. Ўтган йили «NJPEC» институти (Хитой) лойиҳанинг дастлабки техник-иқтисодий асосларини ишлаб чиқди, шунингдек, заводнинг техник аудитини ўтказди. Жорий йил май ойида қурилиш бўйича РС-шартномаси имзоланган бўлиб, ҳозирда батафсил лойиҳалаш ишлари олиб борилмоқда.
Қозоғистон учун битум ишлаб чиқаришни ривожлантиришнинг стратегик аҳамиятини инобатга олган А.Хасенов заводни 2025 йилги йўл қурилиши мавсуми бошланишидан олдин ишга тушириш муҳимлигини таъкидлади.
Шунингдек, CITIC Group раҳбарлари билан учрашувлар чоғида «Каражанбасмунай» АЖ қўшма корхонасининг ишлаб чиқариш фаолияти масалалари муҳокама этилди.
