Қазиғуртлик фермерлар йилига 1 миллион донадан ортиқ гул етиштиради
TÚRKİSTAN. Кazinform – Туркистон вилоятидаги иссиқхоналарда етиштирилган атиргуллар сотувга чиқарила бошланди.
Қазиғурт туманидаги “Пасека-бал” фермер хўжалиги раиси Азизбек Қасимов иссиқхоначиликни ривожлантирмоқда. 2010 йилда бошланган бизнес бугун гуллаб-яшнаяпти. Дастлаб бодринг ва помидор экган бўлса, энди гул етиштиришни йўлга қўйди.
Умуман, фермер хўжалигига қарашли 18 гектар экин майдонининг 2 гектарига иссиқхона ташкил этилган. Улардан тўрттаси гул ўстиришдир.
“Ҳар йили 1 миллиондан ортиқ гул кесамиз. Гулзорда «Misty Bubbles», «Каталина», "Қора сеҳр" деб номланган учта турдаги атиргуллар ўсади. Бизнинг асосий мижозларимиз Чимкент аҳолисидир. У ердаги тадбиркорлар ўзлари келиб олиб кетадилар, айрим ҳолларда ўзимиз етказиб берамиз. Ҳозир 8 март байрами муносабати билан гулларимиз яхши сотилмоқда”, – дейди фермер.
Азизбек Қасимовнинг айтишича, биргина иссиқхонадан 400 минг тупгача гул кесилади. Улар Чимкент, Алмати, Қизилўрда шаҳарларига жўнатилади. Гулларнинг ўртача нархи 150-170 тенге. Бугунги кунда иссиқхонада 15 киши доимий меҳнат қилиб келмоқда. Улар гулларга ғамхўрлик қиладилар ва тўлиқ ўсиб улғайгунча уларни кузатиб борадилар.
“Гул етиштиришнинг ўзига хос усуллари ва қийинчиликлари бор. Болалар бу гулларнинг уруғларини Тошкентдан олиб келишган. Кейин биз таваккал қилиб, уни ривожлантиришга қарор қилдик ", - дейди у.
Айтиш жоизки, Республикада барпо этилган иссиқхоналарнинг 70 фоизи Туркистон вилоятига тегишли. Вилоятдаги иссиқхоналарнинг умумий ҳажми 1 минг 640 гектарни ташкил этади. Ўтган йили иссиқхоналардан 140 минг тонна маҳсулот йиғилиб, республика аҳолисининг 42 фоизи сабзавот билан таъминланди.
Муаллиф: Қайрат Зайнишев
