«Қазгидромет» Хитойнинг MAZU тизимини Қозоғистонда қўлламоқчи
ASTANA. Kazinform — Урумчи шаҳрида «Қазгидромет» РДК бош директори Данара Алимбаева ва Хитой метеорология маъмурияти раҳбари Чэнь Чжэньлинь ўртасида икки томонлама учрашув бўлиб ўтди.
Учрашувда томонлар замонавий технологияларни жорий этиш, эрта огоҳлантириш тизимларини ривожлантириш ва хавфли об-ҳаво ҳодисаларини прогноз қилиш соҳаларидаги ҳамкорлик масалаларини муҳокама қилдилар.
Учрашувнинг асосий мавзуларидан бири MAZU тизими бўлди. «Қазгидромет» ушбу тизимни Қозоғистонда қисқа муддатли прогнозлаш, nowcasting ва сунъий интеллект имкониятларидан фойдаланиш йўналишларида амалий қўллашдан манфаатдор.
Шунингдек, Fengyun сунъий йўлдоши маълумотларидан фойдаланиш ва об-ҳаво жараёнларини кузатишнинг замонавий воситаларига кириш имкониятларини кенгайтириш масалаларига алоҳида эътибор қаратилди.
Учрашув якунида томонлар мазкур йўналишлар бўйича ишларни давом эттириш ва яқин истиқболдаги амалий қадамларни белгилашга келишиб олди.
