“Қазақконцерт” артистлари Пекинда чиқиш қилишди
Пекиннинг тарихий марказида жойлашган Миллий саҳна санъати марказида Роза Бағланова номидаги “Қазақконцерт” давлат концерт ташкилотининг “Қозоғистон маданияти куни”га бағишланган концерти бўлиб ўтди, деб хабар беради Kazinform мухбири.
Қозоғистон Республикасининг ХХРдаги элчиси Шаҳрат Нуришев ўзининг қутлов нутқида Евроосиёнинг қоқ марказида жойлашган Қозоғистон бой тарихга эга, ранг-баранг анъаналари ва ўзига хос маданияти билан ажралиб туришини таъкидлади.
Ш.Нуришев Қозоғистон ва Хитой маданият марказларини ўзаро очиш бўйича келишувга эришилгани, келгуси йил Хитойда Қозоғистон туризми йили деб эълон қилинганини айтди.
Бундан ташқари, қозоғистонлик бастакори Бахитжан Байқадамов ва хитойлик бастакор Сянь Синхайнинг дўстлиги хотирасига бағишланган тематик қўшма концерт ва бошқа маданий тадбирлар ўтказиш режалаштирилган.
Концертда Қозоғистоннинг “Астана сази” давлат фольклор ансамбли, “Гульдер” ансамбли ижодий жамоаси, қозоғистонлик таниқли ижрочилар Медет Салиқов, Клара Толенбаева, Ерлан Рисқали, Азамат Желтиргузов, Алишер Каримов, Рухия Байдукеновалар иштирок этди.
Концерт дастурида анъанавий қозоқ халқ мусиқаси, қозоқ композиторлари асарлари, миллий рақслар ижро этилди.
Муаллиф: Руслан Сулейменов
