“Қайрат” жамоаси футзал бўйича Чемпионлар лигасининг элит босқичига чиқди

Қозоғистоннинг “Қайрат” футзал клуби Чемпионлар лигаси асосий босқичи доирасидаги учинчи ўйинини Испаниянинг “Пальма” жамоасига қарши ўтказди, дея хабар беради Kazinform агентлиги мухбири.

“Қайрат” учинчи гуруҳда баҳс олиб боради. Рақиб Испаниянинг “Пальма”, Венгриянинг “Халадаш” ва Люксембургнинг “Дифферданж” жамоаларидир.

Испания клуби Европанинг энг тажрибали жамоаларидан бири ҳисобланади. Ўтган йили у Чемпионлар лигасида чемпионликни қўлга киритди.

Шу боис биринчи бўлимда Испания футзал усталари Ромуло - 2, Бруно Гомес - 14, Фабиньо 15-дақиқада “Қайрат” дарвозасига учта гол уришди.

Иккинчи бўлимда “Пальма” Клебер автогол муаллифига айланди, “Қайрат” футболчиси Кайо Руис 29-дақиқада фарқни қисқартирди.

Яна бир гол 38-дақиқада “Пальма” томонидан киритилган бўлса, 39-дақиқада алматлик Даурен Турсагулов якуний ҳисобни белгилади.

Шу тариқа, “Қайрат” рақибидан 3:4 ҳисобида мағлуб бўлди.

Эслатиб ўтамиз, аввалроқ “Қайрат” Люксембургнинг “Дифферданж” клубини 4:2 ҳисобида мағлуб этган ва Венгриянинг “Халадаш” жамоаси билан 2:2 ҳисобида дуранг ўйнаганди.

Бу гуруҳдан “Пальма”, “Қайрат”, “Халадаш” элит босқичга йўлланмани қўлга киритди.

Элит босқич ўйинлари жорий йилнинг 28 ноябридан 3 декабрига қадар ўтказилади.

Муаллиф: Адилжан Умбет