Қатардан қайтган Франция терма жамоаси қарсаклар билан кутиб олинди

ASTANA. Кazinform - Парижда Қатардан қайтган футбол миллий терма жамоасини 50 мингга яқин француз мухлислари кутиб олди. Конкорд майдонига йиғилган мухлислар жаҳон вице-чемпионига айланган жамоани «Марсел» мадҳияси ва қарсаклар остида кутиб олди, деб хабар беради Kazinform Euronewsга таяниб.

«Раҳмат, Мбаппе!», «Сен энг зўрсан!», «Биз сен биланмиз!» - деб ҳайқирди мухлислар.

Қаҳрамонларининг келишини декабр ойининг совуқ ҳавосига қарамай, одамлар бир неча соат кутишди.

Мухлислар айтадилар:

«Улар финалда мағлуб бўлишса ҳам, ажойиб ўйин кўрсатди. Биз мағлубиятга қарамай, терма жамоани қўллаб-қувватлаш учун шу ердамиз».

«Мен уларга қилган ишлари учун миннатдорчилик билдиришдан ва уларни қўллаб-қувватлаганимни кўрсатганимдан хурсандман. Улар французларни бирлаштиради. Кечқурун одамларнинг бу ерга келишини кўриш жуда ёқимли».

Машҳур «Крийон» меҳмонхонаси балконидан терма жамоа бош мураббийи Дидье Дешам ва унинг жамоаси мухлисларга кўрсатган қўллаб-қувватлашлари учун миннатдорчилик билдирди.

Ўйинчиларнинг қайтиши муносабати билан, гарчи бу сафар ғалаба қозонмаса ҳам, Эйфел минораси тежамкор режимга қарамай, чироқлар билан порлади.

Аввал хабар берганимиздек, учрашувнинг асосий ва қўшимча вақти 3:3 ҳисобида якунланган. Мбаппе хет-трик, Месси дубль қайд этди. Пенальтилар сериясида аргентиналик футболчилар кучлироқ бўлишди - 4:2.

Аргентина терма жамоаси ўз тарихида учинчи марта футбол бўйича жаҳон чемпионига айланди.

Франциялик ҳужумчи Мбаппе 2022 йилги Жаҳон чемпионатининг «Олтин бутсаси»ни олди.

Фото: euronews.com