Каспий денгизида кучли зилзила юз берди

BAKU. Кazinform – Каспий денгизидаги зилзила магнитудаси 5,7 баллни ташкил этди, дея хабар беради Кazinform агентлиги Trendга таяниб.

Озарбайжон Миллий фанлар академияси ҳузуридаги Республика сейсмологик хизмат марказининг маълум қилишича, зилзила Боку вақти билан 00:01 да қайд этилган ва Озарбайжон ҳудудида ҳам сезилган.

Европа-Ўртаер денгизи сейсмология маркази маълумотларига кўра, зилзила эпицентри Хачмаз вилоятидан 80 километр шимоли-шарқда жойлашган, зилзила ўчоғи 35 километр чуқурликда бўлган.

Эслатиб ўтамиз, ер силкинишлари Озарбайжоннинг айрим ҳудудларида, жумладан, Боку шаҳрида ҳам сезилган.