Қасим-Жомарт Тоқаев ва Ваагн Хачатурян Қозоғистондаги Арманистон маданияти кунларининг очилиш маросимида иштирок этди
ASTANА. Кazinform - Икки давлат раҳбарлари Калибек Қуанишбаев номидаги Қозоқ миллий мусиқали драма театрида Арманистон маданияти кунлари муносабати билан ташкил этилган тантанали концерт дастурини томоша қилди.
Президентлар дастлаб театр фойесида машҳур арман кинорежиссёри ва рассоми Сергей Параджанов таваллудининг 100 йиллигига бағишланган фотокўргазмани томоша қилдилар.
Концертда Арманистон Давлат жаз оркестри ва Инга Аршакян, Гор Суджян каби санъаткорлар дунёга машҳур арман бастакорлари Комитас, Шарль Азнавур, Жорж Гарваренц, Арно Бабажаняннинг мусиқий асарларини ижро этди.
Бундан ташқари, 15-16 октябрь кунлари Астана шаҳрида Арманистон киноси кунлари бўлиб ўтади. Сос Саркисян номидаги “Амазгаин” театри томошабинларга Даниил Хармс асари асосида тайёрланган “Лю-Беф” спектаклини тақдим этади.
