Қасим-Жомарт Тоқаев ва Си Цзиньпин қўшма баёнотни имзолади

ASTANA. Kazinform – Қозоғистон Президенти Қасим-Жомарт Тоқаев ва Хитой Халқ Республикаси Раиси Си Цзиньпин Олий даражадаги музокаралар якунлари бўйича Қўшма баёнотни имзоладилар.

Шунингдек, ташриф чоғида қуйидаги партиялараро, давлатлараро, идоралараро ва тижорат ҳужжатлари имзоланди:

1. «AMANAT» партияси» жамоат бирлашмаси ва Хитой Коммунистик партияси ўртасида алмашинув ва ҳамкорлик тўғрисидаги меморандум;

2. Қозоғистон Республикаси Ҳукумати ва Хитой Халқ Республикаси Ҳукумати ўртасида савдо-иқтисодий ҳамкорлик дастурини амалга ошириш бўйича “Йўл харитаси”;

3. Қозоғистон Республикаси Ҳукумати ва Хитой Халқ Республикаси Ҳукумати ўртасида техник-иқтисодий ҳамкорлик тўғрисидаги битим;

4. Қозоғистон Республикаси Транспорт вазирлиги ва Хитой Халқ Республикаси ислоҳотлар ва тараққиёт давлат қўмитаси ўртасида Қозоғистон Республикаси ва Хитой Халқ Республикаси ўртасидаги трансчегаравий темир йўлни кенгайтириш бўйича ўзаро англашув меморандуми;

5. Қозоғистон Республикаси Транспорт вазирлиги ва Хитой Халқ Республикаси Транспорт вазирлиги ўртасида инновацион технологиялар ва ахборот тизимлари соҳасида ўзаро англашув ва ҳамкорлик тўғрисида ҳамда халқаро автомобиль қатновига рухсат бериш тизимини яратиш тўғрисида Меморандум;

6. Қозоғистон Республикаси Транспорт вазирлиги ва Хитой Халқ Республикаси Савдо вазирлиги ўртасида инфратузилма ва муҳандислик қурилиши соҳасида ҳамкорликни рағбатлантириш бўйича ўзаро англашув меморандуми;

7. Қозоғистон Республикаси Саноат ва қурилиш вазирлиги ва Хитой Халқ Республикаси Савдо вазирлиги ўртасида тоза энергия технологияларида қўлланиладиган стратегик аҳамиятга эга фойдали қазилмалар соҳасида ҳамкорликни мустаҳкамлаш бўйича ўзаро англашув меморандуми;

8. Қозоғистон Республикаси Фан ва олий таълим вазирлиги ва Хитой Халқ Республикаси Таълим вазирлиги ўртасида хитой тилини ўқитиш соҳасида ҳамкорлик тўғрисидаги битим;

9. Евроосиё Миллий университети ва Тянцзинь касб-ҳунар институти ўртасида Лу Бань устахонасини биргаликда ташкил этиш бўйича ўзаро англашув меморандуми;

10. Қозоғистон Республикаси Қишлоқ хўжалиги вазирлиги ва Хитой Халқ Республикаси Бош божхона бошқармаси ўртасида Қозоғистон Республикасидан Хитой Халқ Республикасига сўйиш учун олиб чиқилаётган қорамолларга ветеринария талаблари ва ҳайвонлар саломатлигини муҳофаза қилиш тўғрисидаги баённома;