Қасим-Жомарт Тоқаев СNNC компанияси бош директори Шэнь Яньфэнни қабул қилди
ASTANA. Kazinform – Хитойнинг Миллий ядро саноати корпорацияси (СNNC) раҳбари билан учрашувда атом энергетикаси соҳасидаги ҳамкорлик истиқболлари муҳокама қилинди.
Қасим-Жомарт Тоқаев Шэнь Яньфэнни Қозоғистоннинг мазкур тармоқни ривожлантириш режаси билан таништирди ва яқинда Ядро энергетикаси агентлигини ташкил этиш бўйича муҳим қарор қабул қилинганига эътибор қаратди. Бу миллий иқтисодиёт олдидаги стратегик бурчни тизимли равишда амалга оширишни назарда тутади.
Президент Хитой Халқ Республикасининг атом энергетикаси бўйича етакчи ҳисобланган CNNC компанияси тажрибасига мамлакатда қизиқиш борлигини таъкидлади.
Шэнь Яньфэн Давлат раҳбарига компаниянинг Хитой ва хориждаги лойиҳалари ҳақида маълумот берди.
Суҳбат чоғида атом энергиясидан тинч мақсадларда фойдаланиладиган илғор технологияларни ўрганиш ва қозоғистонлик мутахассисларни тайёрлаш йўналишидаги ҳамкорлик масалалари кўриб чиқилди.
