Қасим-Жомарт Тоқаев Шавкат Мирзиёевни Ақордада кутиб олди
ASTANА. Кazinform - Давлат раҳбари Қасим-Жомарт Тоқаев Астана шаҳрига давлат ташрифи билан келган Ўзбекистон Президенти Шавкат Мирзиёевни Ақордада кутиб олди.
Дастлаб Қасим-Жомарт Тоқаев ва Шавкат Мирзиёев расмий делегация аъзоларини бир-бирлари билан таништирдилар. Шундан сўнг, мартабали меҳмон ташрифи муносабати билан Тантаналар залида саф тортган фахрий қоровул бошлиғи давлат раҳбарларига рапорт берди. Президент оркестри икки давлат мадҳияларини ижро этди.
Қасим-Жомарт Тоқаев ва Шавкат Мирзиёев мадҳияларни тинглаб бўлгач, гилам бўйлаб Қозоғистон Республикаси Давлат байроғи томон юришди. Унинг олдига келганида меҳмон тўхтаб, бир оз бошини эгиб, ҳурмат бажо келтирди. Шундан сўнг меҳмон ва Президент фахрий қоровул сафидан ўтди. Фахрий қоровул бошлиғи билан хайрлашди.
Айни дамда Давлат раҳбарлари кичик таркибдаги учрашувга боришди. Музокаралар якунида бир қатор муҳим ҳужжатлар имзоланиши режалаштирилган.
Эслатиб ўтамиз, кеча Қозоғистонга давлат ташрифи билан келган Ўзбекистон Президенти Шавкат Мирзиёевни пойтахт аэропортида Қасим-Жомарт Тоқаев кутиб олган эди.
