Қасим-Жомарт Тоқаев “Шарқ-Сут” корпорацияси ишлаб чиқариш майдонига ташриф буюрди
ÖSKEMEN. Кazinform - Давлат раҳбарига сутни қайта ишлаш ва янги технологиялар асосида сут маҳсулотлари ишлаб чиқариш билан шуғулланаётган корхона фаолияти ҳақида маълумот берилди.
Корпорация 100 дан ортиқ турдаги маҳсулот ишлаб чиқаради.
Бугунги кунда корхонада ликвид қишлоқ хўжалиги маҳсулотлари улушини кўпайтириш, экспорт ҳажмини ошириш борасида изчил ишлар амалга оширилмоқда.
Корпорация 4 та фермер хўжалиги, жумладан, сигирларни автоматик соғиш ва озиқлантириш мосламаси билан жиҳозланган робот фермага эга.
Шунингдек, корхона томонидан вилоятдаги 22 аҳоли пунктидан ишлаб чиқариш учун сут йиғилади.
Қасим-Жомарт Тоқаев корхона ишчилари билан суҳбатда замонавий қишлоқ хўжалиги юқори технологияли саноатга айланиши кераклигини таъкидлади.
Шунингдек, компания жамоасига муваффақиятлар тилади.
