Қасим-Жомарт Тоқаев Рим папаси Францискга ҳамдардлик телеграммаси йўллади

ASTANА. Кazinform – Давлат раҳбари ўз телеграммасида Рим папаси Бенедикт ХVI вафот этгани ҳақидаги хабарни чуқур руҳий тушкунлик билан қабул қилганини маълум қилди, дея хабар беради Кazinform Ақорда расмий сайтига таяниб.

– Биз католик черковининг собиқ раҳбарини дунёга танилган маънавият арбоби, тинчлик, ўзаро ҳамжиҳатлик, инсонпарварлик ғояларини тарғиб этиш йўлида тинимсиз меҳнат қилган буюк шахс, деб биламиз. Инсониятга ишониб топширилган қадриятларни ҳимоя қилишга салмоқли ҳисса қўшган Бенедикт ХVI ҳазратларининг ёрқин сиймоси жаҳон жамоатчилиги хотирасида мангу сақланиб қолади. Ушбу қайғули дамда сизнинг қайғуингизга шерик бўламан ва Қозоғистон халқи ва шахсан ўз номимдан бутун католик жамоатчилигига ҳамдардлик билдираман», — дейилади телеграммада.