Қасим-Жомарт Тоқаев Олаф Шольцни Ақордада кутиб олди
ASTANА. Kazinform - Давлат раҳбари Қасим-Жомарт Тоқаев Астана шаҳрига расмий ташриф билан келган Германия Федерал канцлери Олаф Шольцни қабул қилди.
Дастлаб Қасим-Жомарт Тоқаев ва Олаф Шольц расмий делегация аъзоларини бир-бирлари билан таништирдилар. Шундан сўнг, мартабали меҳмон ташрифи муносабати билан Тантаналар залида саф тортган фахрий қоровул бошлиғи давлат раҳбарларига рапорт берди. Президент оркестри икки давлат мадҳияларини ижро этди.
Қасим-Жомарт Тоқаев ва Олаф Шольц мадҳияларни тинглаб бўлгач, гилам бўйлаб Қозоғистон Республикаси Давлат байроғи томон юришди. Унинг олдига келганида меҳмон тўхтаб, сал бош эгиб, ҳурматини изҳор қилди. Шундан сўнг меҳмон ва Президент фахрий қоровул сафидан ўтди. Фахрий қоровул бошлиғи билан хайрлашди.
Айни дамда давлат раҳбарлари олий даражадаги музокаралар олиб бормоқда. Бундан ташқари, “Марказий Осиё+Германия” форматидаги иккинчи учрашув ҳам режалаштирилган.
