Қасим-Жомарт Тоқаев Москвада МДҲ Давлат раҳбарлари кенгаши йиғилишида иштирок этади

ASTANA. Kazinform – Қозоғистон Республикаси Президенти Қасим-Жомарт Тоқаев Москвага амалий ташрифи доирасида МДҲ давлатлари раҳбарлари кенгаши мажлисида иштирок этиш учун Катта Кремль саройига келди.

Бу ҳақда Ақорда матбуот хизмати хабар берди.

МДҲ давлатлари раҳбарлари кенгаши мажлиси иштирокчилари тадбир олдидан суратга тушишди.

Аввалроқ Қасим-Жомарт Тоқаев Россия Федерацияси Президенти Владимир Путинга туғилган куни муносабати билан табрик телеграммаси йўллагани ҳақида ёзган эдик.