Қасим-Жомарт Тоқаев: Мамлакатимизда ишбилармонлик муҳитини яхшилаш — асосий мақсадлардан бири
ASTANА. Кazinform - Давлат раҳбари Қасим-Жомарт Тоқаев маҳаллий бизнес вакиллари билан учрашувда мамлакатда ишбилармонлик муҳитини яхшилаш асосий мақсадлардан бири эканини таъкидлади. Бу ҳақда Ақорда матбуот хизмати хабар берди.
- Квазидавлат сектори субъектларини ташкил этишга мораторий жорий этилди. Тадбиркорлик вакиллари тартибга солинадиган харидлар учун ариза берган ҳолларда давлат корхоналарининг иштироки қонуний равишда чекланди. Тадбиркорликни соҳа органлари томонидан асоссиз босим ва ноқонуний текширишлардан ҳимоя қилиш бўйича тизимли ишлар амалга оширилди. Жиноят кодексининг беш моддаси либерализация қилинди. Икки модда бўйича жиноий жавобгарликка тортиш талаблари оширилди, 29 турдаги иқтисодий ҳуқуқбузарликлар бўйича қамоққа олиш тақиқланди. 2022 йилдан бери тадбиркорлик соҳасида қайд этилган жиноий ишлар икки баробарга камайди. Шунингдек, тадбиркорлик фаолиятига ноқонуний аралашганлик учун маъмурий жавобгарлик кучайтирилди. “Прокурор фильтри” инвесторларни асоссиз текширишга йўл қўймаслик, уларга нисбатан жарима солиш, рухсатномалар беришнинг олдини олиш мақсадида жорий этилди. Бугунги кунда прокурорлар инвесторлар ҳуқуқларини бузувчи 700 дан ортиқ фактларни блокладилар. Буларнинг барчаси тадбиркорлик субъектларининг ҳуқуқ ва қонуний манфаатларини ҳимоя қилишга катта хизмат қилди, — деди Давлат раҳбари.
Эслатиб ўтамиз, ҚР Президенти катта бизнессиз Қозоғистон иқтисодиётининг салоҳиятини тўлиқ очиб бўлмайди деган эди.
