Қасим-Жомарт Тоқаев: Қозоғистон ШҲТ доирасида креатив индустрияни ривожлантириш марказига айланиши мумкин

 Қасым-Жомарт Тоқаев: Қазақстан ШЫҰ аясында креативті индустрияны дамытудың орталығы бола алады
Фото: Ақорда

ASTANA. Kazinform - Президент Қасим-Жомарт Тоқаев Шанхай ҳамкорлик ташкилоти саммити доирасида бўлиб ўтаётган “ШҲТ+” йиғилишида ташкилот доирасидаги таълим грантлари сонини оширишни таклиф қилди.

“Қозоғистон креатив индустрияни ривожлантириш маркази бўлиши мумкин ва ҳар йили ШҲТ давлатларининг ёш етакчилари ва истеъдодлари учрашувини ўтказишни таклиф қилади. Таълим соҳасидаги ҳамкорлик қўшимча туртки талаб қилади. Янги таълим муассасалари ва мулоқот бўйича ҳамкорларни қўшиш орқали ШҲТ университетлари тармоғини кенгайтириш мақсадга мувофиқ бўлар эди. Талабаларга, айниқса, техник соҳаларда бериладиган грантлар сонини ҳар йили ошириш керак. Қозоғистон етакчи олий таълим муассасаларида таълим олиш учун илмий ва таълим грантлари бериш тажрибасини давом эттиришга тайёр”, - деди Қасим-Жомарт Тоқаев.

Президент МДҲ доирасидаги ҳамкорлик позицияларига содиқ эканини таъкидлади.

“Хулоса қилиб шуни яна бир бор таъкидламоқчиманки, Қозоғистоннинг ШҲТ ва “ШҲТ+” форматларида ҳар томонлама ва ўзаро манфаатли ҳамкорлик бўйича позицияси мустаҳкам. Ишончим комилки, ШҲТга аъзо мамлакатларнинг барча конструктив таклифлари ноёб ташкилотимизни янада изчил ривожлантиришга янги суръат бағишлайди”, – деди Давлат раҳбари.

Сўнгги хабарлар