Қасим-Жомарт Тоқаев Исроил Президенти Ицхак Герцог билан телефон орқали мулоқот қилди

ASTANA. Kazinform - Исроил томони ташаббуси билан бўлиб ўтган суҳбат чоғида Ицхак Герцог Қасим-Жомарт Тоқаевни Наврўз байрами билан табриклади.

Давлат раҳбарлари Қозоғистон ва Исроил ўртасидаги савдо-иқтисодий ҳамкорликни мустаҳкамлаш истиқболларини муҳокама қилдилар. Шунингдек, ўзаро манфаатли икки томонлама муносабатларни юқори даражада сақлашга тайёр эканликларини тасдиқладилар.

Исроил Президенти бу йил Қозоғистонга ташриф буюради.

Эслатиб ўтамиз, бугун Давлатимиз раҳбари АҚШ Конгресси Вакиллар палатаси аъзоси Кэрол Миллерни қабул қилди.