Қасим-Жомарт Тоқаев Индонезия Президентига табрик телеграммаси йўллади

ASTANA. Kazinform - Давлат раҳбари Президент Жоко Видодони Мустақиллик куни билан табриклади, дея хабар беради Кazinform.

Президент Индонезиянинг ажойиб ижтимоий-иқтисодий ютуқларини қайд этиб, Қозоғистон-Индонезия муносабатларини янада ривожлантириш ва чуқурлаштириш тарафдори эканини таъкидлади.

Давлат раҳбари Президент Жоко Видодога барча эзгу саъй-ҳаракатларида муваффақият, дўст Индонезия халқига бахт ва фаровонлик тилади.