Каратэ. Осиё чемпионатида Қозоғистон умумжамоа ҳисобида иккинчи ўринни эгаллади

ASTANA. Kazinform - Ўзбекистон пойтахти Тошкентда WKF каратэ бўйича Осиё чемпионати якунланди, деб хабар бермоқда Kazinform мухбири.

Яккалик баҳсларида Асел Қанай 61 кг вазнда олтин, Низамиддин Халматов (-55 кг), Софья Берульцева ( +68 кг), Нурнияз Елдашов (+84 кг) кумуш, Нурқанат Ажиқанов (-75 кг) ва Дидар Амирали (-67 кг) бронза медалини қўлга киритди.

Хотин-қизлар ўртасида жамоавий баҳсларда Софья Берульцева, Асел Қанай, Лаура Алиқул ва Белла Самашева чемпион бўлди.

Эркаклар ўртасидаги жамоавий баҳсларда Игор Чихмарев, Нурқанат Ажиқанов, Бейбарис Жанбир, Диас Улбек, Никита Тарнакин, Дидар Амирали, Нурнияз Елдашов кумуш медални қўлга киритди.

Чемпионат якунига кўра Қозоғистон терма жамоаси 10 олтин, 7 кумуш ва 9 бронза медали билан умумжамоа ҳисобида иккинчи ўринни эгаллади. Япониялик каратэчилар (18 олтин, 9 кумуш, 9 бронза) пешқадамлик қилишган бўлса, Эрон кучли учликка якун ясади.

Муаллиф: Ғайса-Ғали Сейтақ