Қарағандида Халқаро робототехника фестивалида 300 дан ортиқ жамоа иштирок этмоқда
Қарағандида VII Халқаро робототехника, дастурлаш ва инновацион технологиялар RoboLand 2023 фестивали бошланди. Унда қўшни давлатлар ва Қозоғистондан 300 дан ортиқ жамоа иштирок этмоқда, деб хабар беради Kazinform мухбири.
Тадбирда Қозоғистон, Ўзбекистон, Қирғизистон, Грузия ва Россия вакиллари бор. Унда Қозоғистонни барча вилоят ва республика аҳамиятига молик шаҳарлардан ёш истеъдод эгалари намойиш этади. Иштирокчиларнинг ёши 4 ёшдан 18 ёшгача.
RoboLand 2023 финалчилари Қарағанди, Манғистау, Қостанай вилоятлари, шунингдек, Серов шаҳрида (Россия Федерацияси) ўтказилган минтақавий мусобақаларда қатнашган 1100 дан ортиқ жамоалар орасидан танлаб олинган.
RoboLand 2023 - Қозоғистондаги биринчи ва энг йирик робототехника лойиҳаси, техник ижодкорлик ва янги технологияларнинг энг йирик форумидир. Мактаб жамоаларининг иштироки ўқитувчилар учун нуфузли ва аҳамиятли, чунки RoboLand Қозоғистон Республикаси Таълим вазирлигининг олимпиада ва танловлари рўйхатига киритилган.
RoboLand фестивали 2015 йилдан бери Қарағандида ўтказиб келинмоқда. Шу вақт ичида Қарағанди майдонида Қирғизистон, Ўзбекистон, Россия, Польша, Сербия, Италия ва Греция жамоалари ўз чиқишларини намойиш этди.
Фестиваль Қозоғистон Республикаси Таълим вазирлиги, Kazdidac уюшмаси ва Таълимни барқарор ривожлантириш жамғармаси кўмагида Қарағанди вилояти таълим бошқармаси томонидан ташкил этилди.
